QR කේතයට ලියාපදිංචි සංඛ්‍යාව ලක්ෂ 51 ඉක්මවයි
ජාතික ඉන්ධන බලපත්‍රය සඳහා ලියාපදිංචි වී ඇති පුද්ගලයින් සංඛ්‍යාව ඊයේ(01) රාත්‍රී 8.00 වන විට
5,138,259ක් දක්වා ඉහළ ගොස් තිබේ.
ඊයේ දිනයේදී පමණක් පුද්ගලයින් 143,188 දෙනෙකු ඒ සඳහා ලියාපදිංචි වී ඇති බව විදුලිබල හා බලශක්ති අමාත්‍යංශය සදහන් කරයි.
QR ක්‍රමයට පමණක් ඉන්ධන නිකුත් කිරීම ක්‍රියාත්මක වූ පළමු දිනය වන ඊයේ (01) දිනයේදී දිවයින පුරා පිහිටි පිරවුම්හල් 820කින් ජාතික ඉන්ධන බලපත්‍රය සඳහා ලියාපදිංචි, පාරිභෝගිකයින් 457,360 දෙනෙකු සඳහා ඉන්ධන නිකුත් කර තිබේ.
එලෙස නිකුත් කර ඇති සමස්ථ ඉන්ධන ලීටර් ප්‍රමාණය ලීටර් 3,850,615ක් වන බව විදුලිබල හා බලශක්ති අමාත්‍යංශය වැඩිදුරටත් සදහන් කරයි.
