ජනාධිපති ගෝඨාභය මාලදිවයිනේ මාලේ අගනුවරට ළඟා වෙයි
ආර්ථික අර්බුදය මධ්‍යයේ ශ්‍රී ලංකා ජනාධිපති ගෝඨාභය රාජපක්ෂ බදාදා අලුයම හමුදා ගුවන් යානයකින් අසල්වැසි මාලදිවයින බලා පිටත්ව ගිය බව ප්‍රාදේශීය නිලධාරීන් උපුටා දක්වමින් AFP පුවත් සේවය වාර්තා කරනවා.
ඔහුගේ බිරිඳ සහ ආරක්ෂකයෙකු ප්‍රධාන ජාත්‍යන්තර ගුවන් තොටුපලෙන් ගුවන් ගත වූ ඇන්ටනොව්-32 ගුවන් යානයේ මගීන් හතර දෙනෙකු අතර සිටි බව ආගමන විගමන නිලධාරීන් AFP වෙත පැවසු බව එම පුවත් සේවයේ Twitter ගිණුමේ දක්වා ඇත.
ඒ අනුව ජනාධිපතිවරයා හමුදා ජෙට් යානයකින් මාලදිවයිනේ, මාලේ අගනුවරට ගොස් ඇති බව ජාත්‍යන්තර මාධ්‍ය වාර්තා කරයි.
ජනාධිපති ගෝඨාභය රාජපක්ෂ මහතා මෙරට වේලාවෙන් 03:00ට (22:00 GMT) මාලේ අගනුවරට ළඟා වූ බව වාර්තා වේ.
